| Bowen さんのプロフィールBowen Chau's official MS...フォトブログリスト |  ツール  ヘルプ |
|
Bowen Chau's official MSN spaces5月28日 XP on my new HP Mini Note with EBoostrJust install EBoostr in my HP Mini Note. Excellent result. 4月23日 黃家樂小朋友，你安息吧！尋晚去旺角搭小巴既時候，見到一個媽媽之前既同事。佢同我媽媽既感情都唔錯，之後大家講講下，就講到我媽媽之前一個學生叫黃民安，我媽媽設靈當晚，佢都有黎。點知，一日之後，即係四月十四日，我媽媽出殯的一天，佢既十三歲仔仔喺沙頭角被一架從內地黎既靈車撞死了。我聽到之後，個心都真係好唔開心。因為又有一個朋友出事了。呢個世界就係咁樣，有好多時間都唔知聽日會發生乜嘢事。就好似呢個例子，佢仔仔一直都好地地，點知就係因為一宗車禍，就離開左我地。佢仔仔只有十三歲，比我阿媽細好多。我成日都問點解我阿媽要咁早死，咁而家呢個小朋友係唔係仲慘過我媽媽呢？有時真係覺得呢個世界都真係好唔知點咁。呢排，我身邊有好多朋友既親人都出左事，搞到我成個人都好唔開心。因為每一次有朋友同我講佢親人出左事，我就好自然諗起我阿媽。個心都真係好酸呀！各位，你地真係要對自己身邊啲人好啲呀，因為你地永遠都唔知道佢地會幾時離開你地架！當佢地離開你地既時候，如果你地平時唔係對佢地好好既話，你地一定會好好好好內疚架！ 我喺度都希望黃家樂小朋友可以安息。或者，你可以同我阿媽見面呢！ 4月22日 真係好掛住您阿媽，自從您走左之後，我無一日係唔掛住您。我日日都同自己講，如果而家阿媽喺度就好啦。 阿媽，點解您會真係咁快就走呢？回望之前既日子，您對我真係好好。而家您走左之後，我就更加發現有您在身邊既好處。 阿媽，我地真係仲有好多嘢未做呀！唔知第日我死左之後，會唔會真係有機會再見到您呢？ 原來我真係好掛住您呀！ 4月17日 不吐不快 其實很些事情真的不吐不快。有關我媽媽離世的真正原因。 醫生跟我們說是「突發性心臟病」，令心跳突然停止，導致 死亡，原因不明。 但是，我媽媽在離世前兩個月，都有檢查心臟，結果是一切正常。 在今次媽媽住院其間，醫生開了一隻新的抗生素，目的是對抗腹膜炎的細菌。 可是因為媽媽對這隻新藥出現敏感，出現神智不清的情況。當我們跟醫生提出之後，醫生亦立即停止用藥。 問題出於，經網上查證，如病人有腎病的話，醫生要很小心用這隻藥，事關這隻藥是需要靠尿液排出體外。 不過，由於媽媽已不能排尿，需要利用洗血來排毒。媽媽離去當日，不知是甚麼原因，醫院並沒有安排洗血，媽媽就出現肝功能降低，血小板降低等等徵狀。在媽媽神智不清的時候，心臟就停了。 那麼，為什麼媽媽的心臟會突然停止跳動呢？ 強忍、傷痛 原來真的磨滅不了。 原先覺得自己可以撐過去，倒頭來又是一陣陣的傷痛。 腦海中仍不時浮出了媽媽的樣子，彷彿聽到她的聲音。 媽媽給我的回憶實在太多了。可是，我又可以留住幾多呢？ 至少，我留不到她的生命。2008年 3 月 26 日，是我一生人永不會忘記的日子。 很多人跟我說，媽媽現於天家，等待我們的歸來、媽媽現在 一定很快樂等等。 可是，我真的感覺不到了。人走了就真的走了。剩下來的就只要遺憾。 我沒有想像過媽媽會走得這麼急。雖然不停的安慰自己，時間真的對了。 可是，有些時候，就是這樣的苦苦沉思下去了。 媽媽的離去，真的是很突然。看看每日的新聞紙，發現有很多的人都是突然的。 生離死別，說是容易，當你真正感受到的時候，又是另外一番滋味。 媽，您在何方？您知不知道我們真的很想念您呢？ 我的信心都真的被您的離去打碎了。 我還是強忍著。 4月11日 Long time no seeI haven't written my space for quite a long time. That's because I used to have facebook and I published my blog there. However, Facebook disabled my account because of a stupid bug, although they have activated my account again, I decided to write more here at My Space. In fact, I am using my cell phone to write this blog. Mom, I will love and miss you foreverHow do I live without you, Mom? You are so important to me. We still haven't done a lot of things together! I am so depressed these days although I keep telling myself that you are now living happily and peacefully in the heaven. However, I can't control myself stop thinking about you. 5月16日 今日成日都好眼訓唔知係唔係呢排我就唔夠訓呢？今日成日覺得好眼訓 ... 好辛苦先捱到放工，立即返屋企。返屋企途中，入左間舖頭，買左個好抵既 LED 電筒，真係好光好正呀！今次去 RV Park 就一定有用啦！
返左屋企之後，就食下飯，睇下「同事三分親」，之後就迷迷糊糊了。醒來既時候就已經係成十一點幾啦！如果唔係老豆叫醒我，我估我會一直咁訓落去囉，你話死唔死呀？ 5月15日 而家原來真係有好多人寫 Blog 架 ...今日睇左兩個朋友既 Blog ... 之後先發覺原來而家真係有好多人寫 Blog 架！見到其他朋友既 Blog 真係整得好鬼死靚，雖然心思思想整返個，不過都係算罷啦，因為我唔係一個日日都可以寫 Blog 既人 ... 我就係一個成日都係三分鐘熱度既人 ... 我同你係同一類人 ... 哈哈！ Budget & American Express今日返工既時候，無啦啦諗起唔知 Budget 會唔會唔接受 American Express，Lunch 既時候就諗住打電話去問下佢地啦。點知，佢地個 hotline 一早就已經收左檔，咁就無辦法啦。 今晚又再打電話去搵佢地，佢地既答案就係「Of Course」。咁就得啦！我就會用我既 DBS American Express 去租車啦！ 5月11日 好快就會過去加拿大啦！唔經唔覺，咁快就已經係五月架啦，時間真係過得好快呀！原來我已經喺新公司返左成個月工架啦，真係唔係好覺囉！ 都真係好耐都無 update 過呢個 blog 啦，原因係乜？咪就係因為我懶囉！真係唔好意思呀！
而家就越黎越緊張啦，因為我好快又會再過去加拿大，今次過去之後，就真係唔知幾時會再過去架啦！所以我今次一定要好好享受。租車同酒店我就差唔多搞得七七八八架啦，而家就係等出發架啦！仲有唔夠三個月，我又可以去見到 Bernice 架啦！今次係我地分開得最耐既一次，好彩我地大家都有 Mac Book，可以成日都 video conferencing ，咁都無咁悶！ 4月6日 家樂氏粟米片糖分超雪糕不少粟米片均標榜為健康早餐，但英國消費者雜誌 《Which？》 的研究卻發現，一款本港亦有售的家樂氏果仁粟米片，每100克含35克糖，其糖分比同等重量的雲呢拿雪糕高出近倍。 每100克含35克糖 《Which？》 研究發現，該款家樂氏果仁粟米片，每100克含35克糖，比100克雲呢拿雪糕含17.9克糖還要高。而兩款預備好的食物Asda sticky chilli chicken及Tesco crispy beef with sweet chilli sauce亦一樣含高糖，分別每100克含19.2克及23.1克糖。根據英國食物標準局定義，每100克食物含15克糖，便屬高糖食物。 專家籲留意食物成分表 一般食物的含糖量，未必會在標籤中列出，註冊營養師劉立儀建議市民留意食物的成分表，若首3個資料是糖、糖漿（syrup）等，便可初步得知其含糖量偏高。《Which？》 提醒市民，如發現葡萄糖（dextrose）、果糖（fructose）及蜜糖等亦要留意。 4月5日 Ford 2008 Escape 出爐唔知大家知唔知道 ... 今日上 Ford Canada 既網站 ... 發現原來佢地出左 2008 Escape ... 不過 ... 唔知係唔係因為佢地仲未可以完全更新晒個網站，當我 click 入去睇 2008 Escape 既時候 ... 佢地既 Escape Website 仍然係 2007 Escape ... 真係好無癮 ... 講開又講 ... 其實我自己都幾鍾意 Escape 架 ... 不過 ... 一直都無機會揸過一架 ... Ford 既 Explorer 都唔錯架 ... 就係勝在 CC 夠大，車身又高人一等 ... 喺香港見過兩次 2004 - 2005 Ford Escape 同埋一次 2000 Ford Explorer ... 我相信佢地都係要特別 import 入去香港架啦 ... 講返架新 2008 Escape ... 由 Ford Canada 網站主頁黎睇，又好似無之前既 Escape 咁好睇 ... 唔知係唔係因為佢個款改得太大呢 ... 一眼望落去唔講都唔知係一架 Escape 囉 ... 其實大家有無發現 ... Ford 呢間車廠真係出左好多唔同款既車，俾人一個感覺就係多到都唔知揀乜嘢好 ... 相對好似萬事得咁 ... 就只係 M2, M3, MX-5, M6 ... 等等。不過 ... 其實我係好期待佢地會出 2008 Explorer 架，因為今年六月過去加拿大我都好有可能都係會租 Ford Explorer 架啦 ... 因為就係佢夠大，喺香港真係無乜機會去揸呢啲咁大既車架啦 ... 講開 SUV ... 我自己就比較鍾意 Lexus 既 RX300 同埋 Benz 既 ML350 ... 我都好想有一架 SUV ... 揸上手既感覺相對於一架普通既私家車真係會好唔同架！我第一架揸既 SUV 就係 Benz 既 ML350 ... 之後就有 Toyota 既 Highlander，同埋 Mercury 既 Aviator ... 上次去機場睇 A380 既時候就有機會坐左 Abram 既 RX300 ... 都真係好正呀 ... 今日睇 Discovery Channel Real Time 既 Fifth Gear，發現佢地四個主持都真係成日周圍飛 ... 呢度去 ... 嗰度去 ... 成日就走左去試車 ... 都真係好正呀！有時候 ... 都會覺得如果自己可以做自己鍾意做既工作都真係唔錯呀 ... 只不過 ... 好多時候我地都係唔可以逃避現實囉 ... 有時候都真係會覺得好灰囉。 今日終於試左 Coke Zero 啦 ... Bernice 同我講原來加拿大都已經出左好耐架啦，我就好似一個鄉下仔咁同佢講可樂出左個新既品種囉 ... 都真係好無癮。睇睇佢既 Calories 列表，發現原來係 O KCal ... 同埋 0g Fat ... 哈哈 ... 係唔係真係咁勁呀？之前佢地既 Coke Light 都有少於 2 既 KCal ... 而家佢地仲要話係 0 KCal ... 咁咪即係同水係一樣囉 ... 味道飲落去 ... 竟然同正常既可樂係無分別架！真係覺得好正呀 ... 對於一啲好似我減緊肥既朋友 ... Coke Zero 係你地最好既伴侶 ... 今日發覺原來自己係一個地理白痴 ... 之前應承左 Bernice 佢去做一個 Assignment 中既一條題目 ... 就係去睇一份七頁既文章 ... 然後寫一個 500 字既 Newspaper-Style Report ... 初時我就覺得無乜問題，都只係做一個 Summary Report 之嘛，都一定唔會好難架啦 ... 點知今日睇下睇下 ... 先發現都唔知自己睇左啲乜嘢 ... 有好多地方睇左好多次都唔係好明佢點解 ... 其實個 Topic 係好簡單架咋，就係 Temperature Change ... 之前你有讀過地理都知道而家地球有 Global Warming ... 好多時就係因為我地有好多 GreenHouse Gases (GHG)，點知呢份文章一開始既時候就講話 Global Warming 既主要原因唔係因為人為 ... 其實係因為 Climate Change ... 之後佢就有好多好多既數據去支持佢既理論 ... 成份文章之後就好似係一份 Technical Paper 咁 ... 睇到我一頭霧水 ... 之後我就開始覺得自己係一個白痴啦 ... 都唔知點解自己睇極都睇唔明 ... 由頭到尾睇左兩次 ... 之後就開個 Word 諗住寫個 Summary 啦 ... 點知寫唔出 ... 唔係同你地講笑，我真係寫唔出。原本份 Assignment 係叫我地唔好寫得咁 Technical ... 一般人睇完份 Summary Report 之後 ... 就可以知道份文章講乜嘢 ... 唔知係唔係因為個 Professor 都知道呢份文章 ... 如果俾一般人睇既話，好多時候都會唔知佢講緊乜嘢，所以就叫啲學生去寫一份簡單既 Summary Report 呢？我都真係唔係好知道啦 ... 不過有一樣我就真係好唔明白 ... 就係做呢啲功課 ... 對個學生係唔係真係有用架呢？咁我就唔係覺得真係有幫助啦 ... 我覺得呢啲功課主要既目的就係要浪費學生既時間。又或者可能個 Professor 根本就唔知道份文章講乜 ... 又或者係佢根本唔想浪費啲時間去睇呢份有七頁既文章，所以就叫啲學生幫佢睇 ... 之後就寫個 Summary Report 俾佢咁囉 ... (大家會唔會覺得我係一個小人呢？哈哈！) 唔知有 NDS 既朋友有無覺得近排啲新遊戲唔係好掂呀？我就 download 左 801 - 850 既新遊戲 ... 結果無一個我係鍾意玩架 ... 你話係唔係大件事丫？不如任天堂快快再出一個 Mario Game 啦 ~ 因為我買 NDS 都係因為 Mario 架 ... 可以喺 NDS 上出 Paper Mario DS 啦！ Carmen 今日同我講佢會 8 月 27 日飛黎香港 ... 到達既時間係晚上十點半 ... 不過唔知咁夜，大學既宿舍會唔會已經 Close 左呢？佢至少要晚上十一點十五分先可以出到黎，凌晨十二點先會到達大學架啦 ... Carmen，你可唔可以搵一啲日子係我第日放假架？星期五或六啦！哈哈！好期待你既來臨 ... 今日就寫住咁多先啦 ... 都寫左好多嘢架啦 ... 而家時間都唔早架啦，係時候要去拉周公架啦！ 4月3日 戰狼 300今日同我老豆老母走左去又一城去睇「戰狼 300」，入左去睇之後先發覺可能呢套片係三級片，因為又有情慾戲，又好暴力，不過都唔錯，好過啲港產片好多啦！ 話說睇到差唔多最尾既時候有一段少插曲，無端端有個女人鬧我前面個人叫佢「你要傾偈就返屋企傾」，之後大家都對罵左一段時間。之後，戲完左之後，佢地就又罵對方不是。呢個世界真係乜嘢人都有 ~ 4月2日 懶閒閒既星期日今日成日都係懶閒閒咁 ~ 成日都係留喺屋企休息下咁囉 ~ 都好耐未試過可以咁懶閒架啦 ~ 之後，就搞左一陣間電腦，Bernice 介紹我去玩 FaceBook 嘛，咁我又見到原來自己都有好多朋友都有玩 FaceBook，咁我又玩埋一份囉 ~ 不過我而家個 FaceBook 都唔係有好多朋友架咋，而家都係得阿 Bernice 同埋 Bunny 係我個朋友囉。我之後又加左 Carmen 同埋 Priscilla，而家等緊佢地 approve 我既 request 咁囉 ~ 今日知道原來 Edmond 已經返左黎香港，聽日仲話要去 JP Morgan 見工，都真係唔錯喎，希望佢可以成功見得成份工啦！睇黎都有好多 TTL 既舊同事都係去左 JP Morgan 度發展咁喎 ~ 4月1日 澳門三日兩夜遊啱啱同阿爸阿媽由澳門返左黎香港 ... 點知又知道 TTL 出左事，個交通銀行網上股票交易系統出左少少問題，因為我都係啱啱離開 TTL，而且 Walter 平時都有好多嘢要顧，而家要佢顧多一樣嘢，我自己都唔係好過意得去。所以我今日下晝六點鐘一返到屋企，我就立即 VPN 返公司，睇下有啲乜嘢我係可以幫手既。做到差唔多十點鐘，先可以停一停食下飯咁囉。
今次個三日兩夜澳門遊都真係唔錯，因為我都已經好耐無同過我老豆老母一齊出去玩架啦，因為而家我阿媽要洗肚，唔可以成日都去旅行，而家有個機會又可以同佢一齊去旅行我都真係好開心架！
而家因為好累，我都聽日先再打返個日誌同埋上載啲相！ 3月28日 原來仲有好多香港人係鍾意飛機架！今日真係覺得好得意 ~ 因為我今日先知道原來都有好多香港人寫 blog 係寫有關航空既事架！ 之後，再睇下其他人既網誌，先發現原來自己都已經係好好架啦 ~ 有好多好似我咁既年齡既人都成日講話無錢 ~ 好多嘢佢地想做都做唔到 ~ 今日同 bernice 既屋企人去左銅鑼灣白沙道間峰壽司食晚飯，唔知係唔係個師傅唔夠力，有好多壽司舊飯都散左 ~ 返埋聽日我就會離開 TTL 架啦 ~ 都唔知開心好抑或唔開心好 ~ 3月17日 我既 MacBook 而家可以行 Win XP 啦！好啦好啦，而家我部 MacBook 終於可以行 Win XP 啦 ... 咁即係而家我有兩個 running OS .. 一個係 Mac OSX 10.4.9，而另外一個就係 Win XP Home ... 咁就真係太好啦 ~~ 而家乜嘢 software 都可以行架啦 ~ 真係好方便呀 ... 又可以同 Bernice 玩 iChat，又可以用 Win XP 玩 VATSIM ... 太正啦！ 3月10日 Windows @ Mac今日終於決定將 Windows XP 裝入去個 MacBook 度 ~ 今日笨芝走左去睇醫生呀 ~ 因為佢而家成日都甩毛，咁 Bernice 見到之後，就同佢走左去睇醫生囉 ~ 話咁快又係 weekend 啦 ~ 我好快就會離開 ttl 架啦 ~ 真係有少少唔捨得呀 ~ 因為 ttl 啲同事都唔錯丫 ~ 今日都係無乜嘢講架啦 ~ 因為我而家都係好眼訓 ~ 而家好想就快啲去訓覺架啦！ 3月9日 macbook VS pc啦啦啦 ~ 唔係我想講 macbook 既壞話，不過而家有一樣嘢係 macbook 比 pc 做得差 ~
呢樣就係打中文啦 ~ 唔知你有無發現如果喺 macbook 上打中文點都係唔可以好似喺 pc 上打得咁快 ~ 好有可能就係因為我而家好熟而家 pc 的中文字打字方法，好多時候我都係唔駛諗就可以去打一個中文字 ~ 不過 ... 如果用 macbook 的話，我就唔可以打得好快架啦 ~ 所以我都係決定用 pc 打中文 blog 啦，因為真係快好多架 ~ 你都知道啦，我地而家啲時間都真係好寶貴架！
你就好啦，而家就有得用 wireless mighty mouse，我就無啦 ~ 不過 ... 算啦，我都唔係好鍾意喺部 laptop 上面用 mouse 架啦 ~ 你返黎香港既時候，就俾我睇下你個 wireless mouse 啦！ 決定左啦今次真係決定左啦 ~
我要帶笨芝返黎香港 ~ 我真係好唔捨得將佢放響 SPCA 門口呀 ~ 再加上 Walter 同我講如果我地將佢放去 SPCA，無人要的話，佢地就會同笨芝打針架啦 ~ 其實我一直都係好自私，因為我都無真係好好咁去照顧過佢 ~ 我地三年前買佢的時候，我都同自己講會好好咁照顧佢 ~ 不過 .. 而家我地又將佢放去 SPCA 就真係唔係好要得 ~ 呢個問題其實都存在左好耐架啦，不過我地一直都無去面對呢個問題 ~ 而家 ... 我都知道如果要帶佢返黎既話，將會用好多錢，甚至有啲朋友同我講如果喺香港買過一隻都唔駛咁貴 ~ 不過 ... 我就係覺得佢先至係我地既笨芝，我都知道佢都好麻煩，佢而家夜晚都係好嘈，不過 ... 笨芝就係咁架啦，如果唔係笨芝，就可能唔會係咁架啦 ~ 每次當大家都講不如將佢送去 SPCA 的時候，我都係個心好唔舒服，因為我就係唔知佢將來會係點 ~ 每一次我都係好想同自己講佢只係一隻好麻煩既兔仔，不過 ... 諗諗下，我又真係好唔捨得佢 ~ 我地都係人，係血肉之軀，我地大家都係有感情架，我地唔係冷血動物，我唔想笨芝因為我地既不負責任，就要付上死亡的道路。 人的承諾去左邊度呀？我地唔係一開始就已經決定要對佢不離不棄架咩？我地幾時變左一隻冷血既動物呀？ 今次無論如何，我都要笨芝可以過到黎香港，因為佢就係我地既笨芝。雖然佢係唔聽話，唔聽教，不過咁先至係我地既笨芝丫嘛 ~
如果我地將佢送左去 SPCA，如果佢之後有啲乜嘢事，我地個心都會係好唔安樂架！ 好多嘢都係要付出代價架，我一直都無盡做主人的負責，今日就由我去重新去學會唔好自私，好多嘢都係要自己負責。
你都係呀，我知道你而家都係好辛苦，因為你都唔係好鍾意佢架啦，不過你忍多一陣啦，我會好快就將佢運返黎香港架啦！ 我都知道你因為呢件事好煩好煩，不過我又何嘗唔係丫？我有時都好憎自己點解可以咁唔負責任，貓咪又係咁，鷹哥又係咁 ~ 今次你就俾我一個機會去學下點去負責任啦 ~ 我都唔知點解我會打咁多嘢出黎架，不過有好多嘢我都真係唔講唔舒服 ~
今日我同我父母再確認左一次笨芝係會返黎香港架啦 ~ 我一定對你同笨芝好好架啦 ~ 好多時候，我地雖然因為笨芝而吵架，好似倒屎、換 bedding 咁。 不過，我地都唔好唔記得，笨芝都係我地之間其中一條橋，一條可以見到對方有愛心的一面 ~ 你雖然而家成日都話自己係一個衰人，不過 ... 我又覺得如果你真係一個衰人的話，你一早就將笨芝送左去 SPCA 啦 ~ 你根本就唔係因為怕有人會見到你 ... 你就係因為怕唔知笨芝第時會係點 ~ 我地都養左佢三年啦 ~ 我地同笨芝點都係會有啲感情架啦 ~ 雖然唔知笨芝會點諗我地，不過我地都係唔想見到佢有事架嘛 ~ 我地呢個屋企三年前出現的時候，笨芝就同我地一齊渡過左好多個寒冬架啦！ 3月6日 2007年３月６日真係好耐都無試過用 Dreamweaver 寫日記啦。尋日無聊走左去睇返自己之前喺加拿大的日記，都真係有好好的感覺。原來寫日記最吸引人之處，就係當自己有機會睇返的時候，會有深深的體會。加拿大，我讀大學的地方，俾人一個感覺就係落後，所有事情都係慢條斯理的。當自己喺加拿大的時候，就會好想返去香港搵錢，而家返左黎香港，睇返啲日記，就好懷念身在加拿大的日子。不過，人始終都係要向前走，如果只係識懷緬過去，就會唔識進步架啦！ 今日放左工之後返屋企先知道原來阿媽入左醫院，其實佢尋晚都巳經唔係好舒服架啦，今日朝早就巳經去左睇醫生，不過我就唔知道入左去咁耐都未出返黎。老豆頭先打電話返屋企同我講阿媽走左去照鏡，不過照完都唔知發生乜嘢事，所以而家要留院觀察一段時間。 啱啱睇左套港產片，都唔錯，而且又唔爛，片名係「墨斗先生」，故事係講一個人生存喺世上，真係要對身邊的人好啲，因為呢啲朋友就係你的明燈。如果大家有機會的話，大家不妨睇下啦！相比其他港產片，呢套片都算唔錯架啦！ |
||||||
プライベート メッセージの送信
RSS の取得
このスペースを紹介
Live.com に追加
つながりに追加
アラートにサインアップ|
|
